راح تدعولي ... وما راح تنسون خلطتي ...

بفضل هالمنتدى الغالي........ والعسل ... أخذت عدة أفكار لصنع خلطتي العجيبة ...
أنا في بداية مسيرتي مع شعري ذبحته من كثر الصبغات ... حتى شيبت !!!! إي والله طلعلي شعر أبيض ويقولون من الصبغه الله ياخذها ... كنت ما أقاومها كل ما زهقت رحت وغيرت لون شعري ليمان اتغير شعري كله للأسوأ طبعا :(
بعدين حملت ...... ورحت الله يسلمكم وقصيت شعري بوووووووووووووووووووي ..
وراح معاه كل الشعر التالف المصبوغ ...
طولت عليكم ... آسفه .... وبس الحين لو أشوف أحلى صبغه بالعالم حتى لو يقولون لي مضمونه ولا يمكن أجرب صوبها :)
بعد الأربعين .. طال شعري شوي والحمد لله .... رحت واخترعت هالخلطه اللي والله العظيم سوت التالي ... :-
1) شعري حرير .
2) لونه يجنن .
3) ما في والله تساقط .
4) لمعه يا سلاااااااااااااااااام .
5) والله والله والله طال تقريبا نص سانتي من استخدام مرة واحده .
الطريقة :-
واحد كيس حنة يمنيه فاخرة ...
ماء مغلي لمدة 3 الى 4 دقائق بعدين يوضع على جنب لين يصير دافئ مايل للسخونه ... مو بارد ..
ثلث كوب زيت زيتون أصلي مو مال الجمعيات ...
حبة حامض معصورة...
تعجن الحنة وتترك 3 ساعات تختمر ضعيها أفضل بالفرن (بس مو اتشبين عليها) !!!
.. بعدين ...
في طاسة 2 ملعقة أكل روب + 2 ملعقة أكل مايونيز + بيضة .. يخفق جيدا ثم يصب على الحنة .. توضع على الشعر مع الاكثار من ذكر الله ... تغطى بنيلون .. لمدة 7 ساعات .. لا اتخافون بيمر الوقت ابسرعة :)
لازم اتجربوها ...
أم خالد