كيف يحسب السونار عمر الجنين

الحمل والإنجاب

السلام عليكم

طرا لي السؤال من امس بس والله امس متلخبطة ونفسيتي تعبانة...
لاني شفت الاشعة ومافيه غير الكيس بس وقالت لي الدكتورة عمر الحمل 5 اسابيع و5 ايام

من متى يحسب الجهاز عمر الحمل يعني من التبويض او التخصيب او كيف؟؟

لاني مرة استغربت انه 5 اسابيع و5 ايام كنت اتوقع اكثر...
لكن الدكتورة اول مرة رحت لها حسبت لي بعد التخصيب وقالت لي الاسبوع الثاني او الثالث....واذا هي تحسب بعد التخصيب معناه اني بالاسبوع السابع تقريبا والجنين مو باين..!!<<ياشين الوسوسة اقول..!!

انتظر ردود ذوات الخبرة بالموضوع والله يجزاكم خير ياارب...
27
168K

يلزم عليك تسجيل الدخول أولًا لكتابة تعليق.

تسجيل دخول

العجميه333
العجميه333
اطمئني حبيبتي السونار على حسب حجم الجنين ودائما يزودون وينقصون
وان شاء الله طبيعي الله يتمم عليك بخير
الكحل
الكحل
شوفي من بعد اول دروة لج احسبي اسبوعين بعد اول يوم فالدورة وهذا بيكون تقريبا يوم الاخصاب,,

بس الحساب اللي هم يعتمدونه,,,من اول يوم دورة هذا بداية الاسبوع الاول يعني اربعين اسبوع من هالاسبوع,

مثلا انا دورتي كانت في 9-1<<اول يوم فالدورة واول يوم فالاسبوع الاول,,واخلص 40 اسبوع في 15-10 وعقبها ادش العاشر,,

اما السونار عنده قياسات خاصة في حساب محيط الراس ومحيط البطن وطول الفخذين وهالشي يدل على عمر الجنين,,

وهم يشوفون اذا يطابق موعد الدورة اللي قلتي لهم عليه,,

انا نفسج كنت فالاسبوع العاشر وقالوا لي ما يبين وايد صغير,,والحمدلله الحين شكبرة بس لين الحين يقولون لي صغير,,,


والله المستعان
همس الليالـي
همس الليالـي
بالنسبة لي خيتي

انا الدورة متلخبطة و ماجاتني من أكثر من شهر ولما رحت لها
حسبت حجم الكيس وقالت لي انه عمره اربع اسابيع
وكان صغيرون وما ينشاف

قالت لي تعالي بعد اسبوعين

وجيتها بالفترة اللي حددتها لي وحسبت حجم الكيس وقالت لي عمره شهر ونص وبان الجنين :)

وبعد اسبوعين رحت لها مافيني صبر وسويت سونار على حسابي

وشفت النونو ودقات قلبه

يعني ذاك الوقت كان عمره شهرين تقريبا

والله يطمن قلبج ويجبر بخاطرج

:)
sabouha14
sabouha14
للرفع
بنت أبــوها
بنت أبــوها
تسلمون بنوتات الله ينولكم الي في بالكم

صراحة انا حملت البرنامج الي في موضوع ام عتريسة وطلع لي نفس الي قالته الدكتورة يعني داخله الاسبوع السادس
والحساب بالضبط 5 اسابيع و6 ايام
الحمدلله يارب والله ارتحت يوم حسب لي لاني حسبته باكثر من طريقة ماطلع لي زي الدكتورة الا بذا البرنامج
مرررررررة عجبني روووعة ويبين الجنين والنبض بالبرنامج بعد 7 ايام ان شاء الله..........الله يتمم بخير ويرزق كل محروم ياحي ياااقيوووم.......

الله يتمم لكم على خير ويرزقكم الذرية الصالحة ياارب