نــــــــــوال :

يا حبيبتي ولا اسهل من زرع النعناع والحبق والزعتر البري اللي هو البردقوش عندنا بس اكليل الجبل ما تقدرين لانه اصلا ما ينموو الا في الجبال واذا تبغي منه خلي اي احد في الجنوب يقطعه وينشفه ويجيبه لك اكياس اكياس ابد انا اسوي كذا دائما نجي لزراعة النعناع اي احد تعرفينه في عيلتكم زارع نعناع في بيته خذي من عنده خوط والخوط يعني اسحبي غصن نعناع مع جذرها من الارض او اذا شفتي سيارات المدينه اللي تبيع النعناع روحي واختاري اي حزمه تكون فيها جذور جيبي الشي اللي بتزرعين فيه والافضل يكون كبير شوي خذي تربه طينيه واخلطيها مع رمل والنعناع اذا تبينه يطلع يجنن اذا تعرفي احد يربي حمام خذي وانتي بكرامه وصخ الحمام الجاف واخلطيه معاااه لانه هو السماد اللي ينفع للنعناع وخلاص حطي الجذر بشكل افقي في التراب ولا تغرسيه مررررررره لا لانه سبحان الله الجذر هذا ينمد ويبدء يطلع بين كل مسافه ومسافه غصن للنعناع وخليه داخل البيت عند مكان يوصله الشمس بطريقه غير مباشره خلصنا من النعناع الحبق نفس الشي هو و ((البردقوش او الزعتر البري او الاريغانو ))كلها اسماء لنفس النبته خذي اي غصن سواء من السيارات اللي تبيع حق المدينه او من اي بيت تعرفينه بس احسبي غصن واحد يكفيك ولولقيتي اكثر حلوو بعد مش بطال وبس ازرعيها واسقيها بس لا تكثرين مويه لانها تموت خلي يدوب الشي اللي يسقيها والحمدلله مستحيل هالاشياء نشتريها من برا الله يخلي الحوش مزروع فيه كل شي وفي جده كمان الجو جدا مناااااسب بس في الظل مش مباشره للشمس لكن فيه نقطه مهمه لا تمسكي النعناع او الحبق او اي نبته وانتي منتي طاهره ( دوره شهريه او نفاس او جنابه ) لانها تموت طوالي بالاضافه لاتزرعيها وانتي منتي طاهره وموفقه يارب

يا حبيبتي ولا اسهل من زرع النعناع والحبق والزعتر البري اللي هو البردقوش عندنا بس اكليل الجبل ما...