Mi!ss

Mi!ss @miss_8

عضوة نشيطة

قصتي مع سمنتي وعملية التكميم(سليف)

علاج السمنة والنحافة

بسم الله الرحمن الرحيم

السلام عليكم ورحمة الله وبركاته ..

(راح اقول قصتي كامله لاني ما احب التجزئه)

طبعا انا من عرفت نفسي وانا كلبوظه حتى وانا اشوف صوري من عمر سنتين وانا دبدوبه سبحان الله وكبرت وزاردة السمنه معي حتى في يوم وانا في الابتدائي رافقت مع جدتي في المستشفى وما خلوني الممرضه من الضحك على يقولون لي انتي عمر صغير جسم كبير حسبي الله عليهم بصراحه تفشلت بس وش اسوي هذا جسمي وبذاك الوقت وشو رجيم ما رجيم دق في البلع وخلاص خخخ حتى المدرسه اللي تجي تعطيني دروس خصوصيه تقول لي انحفي لانه راح يزيد وزنك مع الحمل والولاده اذا تزوجتي يالله الخيره وتزوجت وانا على هالوضع واكيد الحموله ما راح يخلوني من الستهتار لدرجه انه تقولي اخت زوجي انتي اذا مشيتي مع زوجك تصيرين كانك امه الله يسامحها وفعلاً صار كلام المدرسه صحيح زاد وزني بعد حملي واكثر شي طبعا عانيت منه في حياتي هو البس وما ادراك ما البس اذا جت مناسبه مفاجئاه انحرم اروح لها لاني لازم قبل المناسبه بفتره افرفر الاسواق بحث عن المقاس قمة المعانات وربي حتى في الجزم وانتم بكرامه ما الاقي مقاسي استغفرالله شي يقهر رجلي كبيره لااله الله واطلع من سوق لسوق اخر وانا محبطه ومقهوره واقول خلاص ابسوي رجيم يعني ابسوي رجيم ازود من هالفشيله شي ما فيه مجال خلاص وابداء ابحث عن الرجيم اللي يدلعني في الاكل ولازم اخلي يوم الخميس او الجمعه يوم مفتوح ولا اكل فيه الا الشوكلاته من زين الاراده الله يخلف بس وما عمري ذكرت اني في رجيم نزلت 10كيلو ابد مدري ليش هههه اذكر في مره من المراريت وانا حامل مع هالسمنه اللهم يكافي كنت نايمه في السرير بي امان الله صحيت من النوم وجيت ابي اقوم ما دريت الا وانا طراااااااخ توقعو وشو طاح فيني السرير مدري هو عيب فيه ولا في رشاقتي ههههههه وابي اقوم يمين يسار ما قدرت ابي احد يساعدني لا حياة لمن تنادي جتني الصيحه وربي وقلت خلاص ما احمل لحد ما انحف مو معقوله حتى السرير ما قدر يتحملني اسال الله السلامه. وبعدين شفت وحده معي بالعمل مسويه عمليت ربط في مستشفى الملك فهد التخصصي اللي في بريده وسالتها عن اسم الدكتور وقالته لي البنت وهي ما وده المهم دارت الفكره في راسي بس ما جزمت مدري ليش الا في يوم وصلت لزوجي رساله انه وحده من قريباته مسويه عمليه وتحمدو لها بالسلامه طبعاً انا اتصلت على امها اتحمدلها بالسلامه على بنته واقولها وش مسويه تقول والله مدري هي عمليه في معدته وبس ( نظام الجحاد) طبعا البنت هذي انا بالنسبه لها رشيقه الله يدفع البلاء المهم مع الايام عرفت من قريباتها انها مسويه ربط ويوم قابلتها فعلاً البنت نحفت كثير قلت لها وش انتي مسويه طبعاً انا عارفه بس قلت اسمعها منها قال رجيم من دكتور بالرياض وان اخوها جايب لها ورقة من الامير سلطان علشان تدخل مستشفى العسكري هي تبي تتباها بها الورقه وبس ولا معقوله ورقه علشان رجيم انا طارت عيوني وش دعوى مو لهدرجه المهم مرت سنه والبنت نحفت صرت انا اكبر منها ولا الفرق قلت لا ما بدهاش بسوي ربط يعني بسوي ربط واراد الله اني رحت لمستوصف الحي واخذت منه تحويل على مستشفى الملك فهد التخصصي ولدكتور جلال واخذت منه موعد وجاء موعدي ودخلت عليه وقالي ان كتلة الجسم 40 الله يحفظ وقلت له اني اسوي ربط وهو نصحني عنها وقال سوي قص اريح لك من الربط ومغاث الحزام وضوق ووسع وانتي بيدك الاختيار عندك ليوم العمليه اخذ الرقم علشان بعد اسبوعين يتصل علي اذا جاء الفريق الطبي من مستشفى الملك فيصل بالرياض بقيادة الدكتور عبدالرحمن سالم طبعا مر اسبوعين شهر ما اتصل وفي يوم وصلتني رساله من اخي المثابر الله يسعده ويهنيه بجسم يارب لانه مسوي عمليته بنفس المستشفى وانا قريت قصة وسبق وان ارسلت له استفسر عن عمليته مضمون رسالته انه راح يجي الفريق الطبي ولحقي على نفسك ومن بعدها نشبت في حلق زوجي انه يدبرلي واسطه قبل ما تروح علي مثل المره اللي قبل لان الدعوى واسطات والحمدالله سهل ربي وتنومت بالمستشفى يوم الاثنين قبل العمليه بيوم وسويت تحاليل واشاعة للصدر وتخطيط قلب وجاني دكتور التخدير وسالني عن عملياتي السابقه وذا فيني صدر ولا ربو والحمدالله ما فيني شي وصومون الساعه 12باليل طبعا وعاد ابي انام وينك يالنوم قريت البقره وسوره الملك والاذكار والمعوذات وتقلب على هالسرير وجعتن جنوبي من التقلب ولا فيه فايده بس الصراحه كنت متحمسه للعمليه مررره المهم اني نمت يمكن ساعه ساعتين الفجر ما اذكر وجاء الصبح اللي هو يوم الثلاثاء ومرني الدكتور جلال وقالي عن التحاليل والاشاعه انها كويسه وانه فيه وحده راح يسوون لها وانا بعدها ***** الله وقال انتي جبتي واسطات الدنيا علشان العمليه قلت في قلبي ما ينفع معك الا كذا ولا كان سهجتني مثل قبل المهم طال الانتظار متى يجي دوري وارتاح اكره شي في حياتي الانتظااااااااااااااااار ما يكفي اني ما نمت طول الليل الا الفجر وتجي الساعه 1 الظهر وينزلوني لغرفة انتظار العمليه وكل تفكيري فيها بعيالي اني اطلع لهم بالسلامه وانواع الصياح والساعه 1ونص دخلوني لغرفة القصب وبنجوني وشلوووووووون ما ادري انا مسويه 3 عمليات قبل يااتبنج عن طريق ابره او كمامه بس المره هذي ما ادر ي الا ان الدكتوره اللي واقفه على راسي تقولي وجهك حلو جابو لنا جهاز تخدير بمليون ريال وراح نطفي الشمع معك مدري تستهتر ولا صادقه المهم اني ما ادري وشلون تبنجت بعدها صحيت وانا في غرفتي على الساعه 6المغرب وااااااااه على التعب والبنج واللي ما تدري متى تصحى منه انام واقوم واستنتج انهم مدخلين لي في خشمي و واربع فتحات في بطني طول كل فتحه 2سم والفتحه الخامسه مدخلين فيها لي يطلع منه السوائل اللي حول المعده طبعاً هم شالو 80% من المعده يعني ما بقول الا 20% هههه علشان اعيش فيها واكره شي في العمليه هاللي مدخلينه بالخشم مقرف اووووووف واول ما صحي من البنج استفراغ وطول الليل وان استفراغ الوان اشكال وما اقدر ابلع من اللي في خشمي ومخلي نفسيتي صفر ما صدقت متى جا الدكتور الصبح وقلت له شيله الله يخليك متعب نفسيتي قال راح اشيله لانه هو اللي مخليك تستفرغين كل الليل وشاله وااااااااااخ على سحبه شي يعذب ياربيه بس اهم شي ان الاستفراغ خف بكثييييييييييييييييير وما باقي غير اللي في البطن بس يهون وربي عند اللي بالخشم اف وقال لي اشربي مويه ملى غطاء علبة الماء كل ساعه ويوم صار الساعه 11 صباح نزلوني علشان اسوي اشاعه ليتاكد من التسريب يالله على هالاشاعه وعلى هاالشيره اللي شربوني هذا وهي تخففه بماء بس الحمدالله طلعته كله في غرفتهم قبل ما اطلع لغرفتي وبهذلتهم في الاستفراغ لاني ما قدرة اطيق طعمه ابد وغريبتن عجيبتن هالاشاعه علمي بنفسي منسدحه ما ادري الا وانا واقفه من الاول خلون اوقف وشوله تسدحونن ورجعت لغرفتي وقالو لازم تمشين علشان ما يصير فيك بالغم بالصدر ولا جلطه بالرجلين ومدري وش بعد بس الحمدالله انه ما فيني تسريب وهذا كان كا همي ويوم الخميس عطوني خروج وقالي لازم اسبوعين سوائل شفافه وبعدها اثقل منها مثل الزبادي والشوربه واللبن والحليب والغريب انه صرف لي ابر لسيولة الدم خوف من تجلط الرئه والرجلين واخذهم لمدة اسبوع مع حبوب زنتاك عند الحاجه وطلعت بالسلامه.

والحمدالله والشكر الله على اني طلعت لعيالي بالسلامه

وراجعت الدكتور بعد اسبوع من العمليه ونقص وزني في 11 يوم 7 كيلو فقط توقعت انزل اكثر من كذا مع العلم من اني امشي كل يوم او يوم ورا يوم .
وصرف لي علاج حديد وفيتامينات (ميكسافيت) بس ما اخذتها لاني قريت في النت انه تجوووووووع تخليك تاكلين لليل نهار ونهى تصفي البشره وتكثر الشعر والله محتاره.

ياليت اي وحده تدخل وتقراء قصي تذكر الله مشاء الله لا اله الا الله وتدعيلي ان الله يحقق لي اللي في بالي يارب وكل مسلم .

حبيت انكم تستفيدون واي استفسار انا اعرف اجابته ما راح اقصر *****الله
159
216K

يلزم عليك تسجيل الدخول أولًا لكتابة تعليق.

تسجيل دخول

بنت ام فرح
بنت ام فرح
ماشاء الله تبارك الله
الحمد لله على سلامتك
الله يخليتس لعيالتس ولعين ترجيتس
النرجس5
النرجس5
الف الحمد الله على السلامه
بس كم كان وزنك قبل العمليه
وكم هوبعد العمليه
الفارسة السرية
الله يوفقج
بس ظروري تاخذي الفيتامين
شـوكـة
شـوكـة
الله يوفقج بس ظروري تاخذي الفيتامين
الله يوفقج بس ظروري تاخذي الفيتامين
الله يعافيج يارب ، و ما اتشوفين شر
بس حبيبتي لازمممممممممممممممممممممم تاخذين الفيتامين
لان اكلج مو متكامل بسبب صغر المعدة ، فاذا ما خذيتي الحبوب من وين جسمج بياخذها ؟
و عاد ما اخبرج عن الامراض الي تجي بسبب سوء التغذية ... و لا اتخافين انها اتجوع
لان انتي اصلا مسوية عملية و حدود الجوع عندج مو مثل الانسان العادي

ما اوصيج على نفسج ، هلله هلله بالصحة ، عشان تتهنين بالعملية و الرشاااااااااقة
و هلله هلله في الرياضة عشان ما يصير فيج ترهل و تتوهقين ، و تعالي سوي واسطات ثانية عشان عملية لعلاج الترهل

و ان شاء الله ما اتشوفين غير الفرح و السعادة في حياتج
الله يحفظج لعيالج
**مميزة **
**مميزة **
ماشاء الله الله يعافيكي