أم الذرابة

أم الذرابة @am_althrab

كبيرة محررات

&&&& موضوع مختار : كبسة العزايم خطوة خطوة 42 صورة مفصله &&&&

الملفات المميزة




















الكل يسأل عن طريقة رز العزايم وسر النكهه اللي تميزه في المناسبات
هذي الكبسه شعبيه قديمه ومايسونها الابالبيوت يعني مستحيل أي مطعم يسويها
هذي النوع من الكبسات نسويها بحفلات الزواج وفي مجالس العزاء وفي مناسبات الأعياد وأكيد نسويها بطبخ الذبايح

حبيت أنوركم وأعلمكم هذي الطريقة وياليت تقبلونها هديه مني لكم
ولاتنسوني من صالح دعائكم حبايبي

كالعاده شرح مفصل وبالصور للطريقه

نغسل اللحم ونظفه زين ونحطه بقدر ونخليه على النار وكل ماطلعت الرغوه السوده نشيلها
بعدين نضيف عليه ليمون أسود وهيل ودارسين ومسمار ويكون حب ونتركه يطبخ



نقطع بصل واضيف عليه كمون ودارسين وهيل وكركم وكزبره ناشفه وبزار



الطريقة الصحيحه والقديمه الدارجه نفرك البصل والبهارات بيدنا
أنا أستعملت المفرمه



نضيف البصل على اللحم







855
310K

يلزم عليك تسجيل الدخول أولًا لكتابة تعليق.

تسجيل دخول

أم الذرابة
أم الذرابة
ا

ونتركه يكمل اللحم نضجه وبعدين نضيف الملح



نشيل اللحم ونحطه بصينيه الفرن



نشيل الليمون الأسود وأعصره واضيف عليه معجون طماطم وقليل من مرقه اللحم وبهارات مشكله



أتبل اللحم بالصلصه



وأدخله الفرن وأشغل الشوايه من فوق عشان يحمر



هذي شكله بعد ماأحمر اللحم



نضيف الرز المغسول والمنقوع بالماي بعد ماصفيه



لازم يكون الماي مناسب للرز
أم الذرابة
أم الذرابة

ــــــــــــــــــــــــــ



بعد مايشرب الرز المرق نوطي على النار ونصب عليه ماي ورد بمنقوع الزعفران وهذي سر النكهه العجيبه



صبينا الماي ورد



نرش قليل من بودرة الزعفران



ونحرك الرز بالملعقه يعني من فوق لفوق



ويطلع معانا هذي اللون العجيب



نفرم بصل ونحطه بقدر على النار عشان نسوي الحشوة ( الكشنه )



نتركه على النار لغايه مايميل لون قاع القدر الى البني



أم الذرابة
أم الذرابة










نرش عليه قليل من الماء ونحرك البصل عشان ياخذ اللون



بهذي الشكل ونكرر العمليه






بعد ماياخذ اللون المناسب ونصب عليه شويه زيت ونحركه على النار



نضيف الحمص المسلوق ( النخي ) نخلطهم مع بعض بهالشكل

أم الذرابة
أم الذرابة

نحضر البهارات كمون وكزبره وليمون أسود وهيل وكركم ودارسين وملح وبزار



نضيفهم على البصل والحمص



نضيف البيض والبطاطس المسلوقين ومقشرين في ناس تحب تقليها بالزيت بعد مايقشرونهم
أنا ماأفضل القلي يخلي البيض يصير مثل البلاستك



ونخلطهم وتعالي شمي الريحه تدووووووخ
وتحملي تسعبلين بالقدر هههههههه



هلحين نغرف الرز ونزينه بالكشنه واللحم المحمر



أيش رايكم ؟؟؟



شكله بصراحه وطعمه ايننننننننن



والريحه على قولتهم تهووووووووووس



وحياكم ترى مافي حيا على الأكل


أم الذرابة
أم الذرابة




البيت بيتكم خذوووووووووا راحتكم



وياليت كل يوم تشرفوووووووووونا



ومداخيل الصحه والعافية






وهذي الصحون يوزعوها للي تحبون







وحياكم الله