جولتي في سوق البطحاء

الأزياء والموضة

:32:السلام عليكم اولا كيف الحال ان شاء الله طيبين المهم مالكم بالطويله ياحوائيات رح لسوق البطحاء طبعا من كثر الكلام اللي عليه انو رخيص وكذا اول شي قلت اروح للاكسسوارات الزينه والشباصات طبعا رحت شارع المرقب اللي كله اكسسوارات والله يابنات انصدمت من الاسعار بس طقيت مشوار من الرياض للبطحاءعلى الفاضي تخيلوا الشباصات والله لما سالت قالي ب15 طبعا الحبه قلت ايش؟ قال هاذذا ماركة طبعا وقلت وانا وش ذابحني غير الماركه طاقه مشوار للبطحاء عن الماركه وتجي تقولي ماركه طبعا طلعت ورحت للمحلات اللي بعده ولفيت المحلات تقريبا اغلبها وللا سف نفس الاسعار حتى الحلق اللي باسواق الرياض يبيعونه بخمسه هم يبيعونه بعشرة ب15 يعني نفس الاسعار واغلى شوي المهم طفشت وانقهرت ورحت لسوق الحله حق الملابس لقيت كذا محل حلو ورخيص مره مثل العاب الاطفال يابلاش ومثل المفارش تقريبا عشر قطع ب200 وشوي والمواعين مثل الباستيكات رخيصه وغيره المهم رحت سوق الجمله حق الشرابات والملابس بوجه عام لقيت الشرابات افخم واحلى انواع كبار وصغار الدرزن ب10 والله اكثر شي عجبني سراحه وايضا الكلوتات تجنن اشكالها والوانها درزن ب35 وفاوضيه على السعر ويعطيك ب30 المهم طلعت من السوق وانا كان نفسي بالاكسسوارات بس لقيتها غاليه اما الاشياء الثانيه لا رخيصه طبعا وحده قالتلي انتي مارحتي الاسواق الحلوه في البطحاء قلت اجل هي فيها شي زين:06: قالت ايه كثيره مثل اسواق الديره وغيرها انظف واحلى واسعارهم مره زينه وطبعا قالولي تبين مواعين عندك شارع السباله بالبطحاء يقولون فخامه وروعه وسلامتكم ياحلوات
33
105K

يلزم عليك تسجيل الدخول أولًا لكتابة تعليق.

تسجيل دخول

مشاعرزائده
مشاعرزائده
جزاك الله خير
رسامة كيوت
رسامة كيوت
مشكوره على التجربه
دائما اسمع عنه ونفسي اروحله
بس من جد انصدمت باسعار الاكسوارات
الواثقة من نفسها

جاية من الرياض للبطحاء؟؟

اجل البطحاء وين البطحاء بوسط الرياض خخخخخ
رويــــن
رويــــن
انا من مكه ورحت البطحاء يمه تخرعت وربيي ماشفت الا هنودخخخخخخخخخخ

وانصدمت من الرياض قلت وش ذا صدمه هههههه

واسواق ماشفت في البطحا الا حقت الجمله هع

واستغربت من كلامك لان ابوي لفها لف ضعنا فيها هههههه ماشفت اسواق حلوه


مدري والله يبيلنا خبره فيها خخخخ بس عقدتني من الرياض

ان شاء الله نروح لها المره الجايه ونشوف هالاسواق الحلوه الي قلتيها ^^


بس صراحه كانت صدمه حنا في مكه ماعندنا كثر كذا هنود هع هع



ma2009ra
ma2009ra
جزاك الله الف خير