*لزلز*

*لزلز* @lzlz

عضوة جديدة

ابغا مشورتكم اش افضل انواع غرف النوم للاطفال من هوم بلازا او ايكيا او....

المنزل والديكور

السلام عليكم ورحمة الله وبركاته اخواتي العزيزات انا ماعندي خبره فغرف الاطفال لاني كنت مشتريه لهم من مذركير والكل يعرف جودتها الان اطفالي كبرو وسار لازم لهم غرفة نوم طبعا انا اشتريت لهم دولاب من ايكيا الحمدلله لحد الان مره تمام ناقصني بس سريرين ومكتبه وادراج للتخزين

فكرة فالتفصيل وزوجي يقول لا الخشب مو طيب ولايتحمل وقريت قبل فتره عن وحده فصلت من الصواريخ خشب ماليزي وكلهم قالو الصناعه الوطنيه مالها فايده

ففكرت فايكيا وهوم بلازا انا من مكه فكرت فالشوام الي فمكه لان الميزانيه محدوده ومااحتاح غرفة نوم كامله شو رايكم يابنات وابغاها ملونه مع خشب فاتح عشان تكتمل غرفة اولادي لان غرفة اولادي

البويه تفاحي فاتح والارضيه شطرنج تفاحي غامق وابيض وطبعا الاثاث اشتريتو خشبي فاتح مع سماوي وكحلي وازرق وتفاحي فاتح وغامق وطلعت الغرفه ماشاء الله روعه

والمفرش الي فالارض اشتريتو من ايكيا ازرق وتفاحي وسماوي وكحلي سوا


بس ودي بخشب جودته عاااااااااليه وفنفس الوقت مايكلفني شي كثير لاني بس ابغا مكتب وسرير ووحده ارفف بس يعني تخزين بسيط

يالله همتكم لاتفشلوني مع:arb: لاني قلت له باستشير اول بنات حواء
24
22K

يلزم عليك تسجيل الدخول أولًا لكتابة تعليق.

تسجيل دخول

larajan
larajan
شوفي يا عسل من خبرتي بستي بلازا الخشب تبعهم ما صار زي اول يخرب و يتكسر بسرعه حتى ايكيا جودتها قلت بس في اشياء طيبه فا انتي اختاري الاقل سوء ههههههههههههههه حيرتك
وشئ تاني باين ماشاء الله انو عيالك صغار نصيحه مني لكي اشتري مره وحده سريرين كبار يعني لا تشتري حقت اطفال و بعد كم سنه تحتاري فين تحطيهم و تستخسري يعني كل ما بيمرو بمرحله غيري الفرش و الاكسسورات و غيري ترتيب الغرفة و البويه و بالتوفييييييييييييييييييق
*لزلز*
*لزلز*
اكيد ياقلبي باشتري لهم شي كبير عشان مايسير فيا زي المره الاولي رحت اشتريت لولدي من مذركير لان جودتهم رائعه ولما ركبناه وهو يبكي يبغا سرير ملون سرير زي سوبر مان او شي خاص بالاولاد

وهاتك يبكي وعرضته للبيع قهر يعني الدرس ادبني خخخخخخخخخخ
من غير ابو الشباب الي اتنكد لانه دفع مبلغ وقدره ولايبغاه الولد وابغا شي جودته عاليه عشان ماافكر اشتري لهم شي ثاني الا بعد فتره احسه صغر عليهم وكل مرحله اغير الاكسسوارت والفرش واترك الباقي اهم شي عندي

بس ويييييييييييييين افضل شي
سلاف3000
سلاف3000
والله انصحك بالصواريخ غرفت بنتي لها 7 سنين ماشاء الله ماتغيرت مع اني كل بعد فتره اغير في تنظيم الغرفه وخشبها ثقيل واشكالها حلوه نفس تصاميم ايكيا وغيره والخيارات كثيره من الاشكال والالوان عكس ايكيا وهوم بلازا وبالتوفيق ان شاء الله
*لزلز*
*لزلز*
كويس طيب كلفتك كم الغرفه كامله ويجي قطع يعني مااحتاج الغرفه كامله
*لزلز*
*لزلز*
اب لمزيد من المعلومات