تبين تكونين المسؤله عن ميزانية البيت اتبعي طريقتي وراح يكفيك المصروف شهر كامل

ياهلا بالغاليات



تبين تكونين المسؤله عن المصروف مالك الا طريقتي حتى يكفيك المصروف لمدة شهر ويساعدك على التوفير والتخلص من التبذير



حددي المبلغ اللي تحتاجينه شهريا”
ويكفيك للمصروف وتشتري منه العزبه يعني اغراض المنزل

مثلا”يعطيك الفين ريال

فتاخذي منها خمس ميه 
وتشتري فيها عزبة البيت وتاخذي كل شي
من مؤنة المطبخ الى مواد التنظيف الى اغراض الأطفال حتى الحفاظات والحليب لوعندك طفل والشبس والعصيرات للأولاد وكل شي تاخذي منه اللي يكفيك شهر ويغنيك عن الطلب من البقاله كل شوي


تاخذي المبلغ الباقي احنا قلنا مثلا” الفين ريال

اخذنا خمس ميه للعزبه واذا يحتاج زياده زيدي

باقي من الألفين الف وخمس ميه نقسم هذا ألمبلغ على ثلاثين يوم راح يطلع الناتج خمسين ريال يعني تحطين لكل يوم خمسين ريال
تاخذي منها اي شي ممكن تحتاجيه من البقاله او حبيتي تاخذي عشى من برى او اي شي تبغينه بشرط يكون في حدود الخمسين وآخر اليوم تاخذي الباقي من الخمسين وتحطينه في درج خاص علشان
اذا جاء يوم واحتجتي اكثر من خمسين ترجعي للدرج اللي تجمعين فيه الباقي وتاخذي منه

وبكذا راح تكونين مجبوره بهذا النظام وتحافضين على المصروف وتوفرون من الراتب اتمنى تقيمون موضوعي اذا عجبكم.