مسسسسساء الخيرات
روووعه صوركم بس مااعرف انزل ولاعندي كاميرا
اليوم السبت
صحيت وغسلت وجهي بصابونة الكركم وفرشت اسناني
مسحت وجهي بموية ورد ورطبته بلوشن هملايا
الرقبه مسحتها ف الليل بكريم كينا كومب ومسحته الصباح باسكينول الخيار
اليدين والرجلين رطبتهم بكريم كاميل
الشفايف لابيلو
فطوري كان مويه وعسل
وبعدها فطرت
والله يوفقنا

الله ونااسه فتحت الحمله


وراح اكتب جدولي الي بلتزم فيه.. والصور بعدين بنزلهاا

:::السبت:::
طبعا قبل لاانام احط خلطه كريمات وهي كريم فيداوت الازرق وكريم زبده الشيا وكريم جلسوليد وكريم فازلين البنفسجي وفازلين وفكس وليمون وزيت لوز المر ونص علبه وحبتين من فيتامين سيء الفوار منقعتها في نص علبه كلونيا وزيت جلسرين
بعدين خلطت جميع المقادير في خلاص كهربائي الين صار كريم مو ثقيل ولاسااايل والكميه كبيره كفت 3 علب
واحط على شفايفي زيت حبه البركه لتوريدها وبس انام بعدها
اذا صحيت اغسل جسمي بصابونه البابايا من الخلطه وامسح وجهي باسكنول باليمون وارطب جسمي بكريم و21 البرتقالي واحط على وجهي كريم فيراندلفي الوردي الجديد
واشرب عصير الشمندر واكثر من شرب الماء وبعدها اروح لدوام بعدها اذا جيت ادهن جسمي بسمن شوكه وملعقه بعدها اذا خلصت اغسل جسمي بصابونه البابايا وارطب جسمي بعد صلاه العشاء احط قناع زبادي وسدر او زبادي وترمس مطحون واغسله واحط الكريمات على جسمي وادهن شفايفي بالزيت حبه البركه وادهن رجليني بالفازلين وانام
ويوم الاحد مثل يوم السبت بالضبط
:::ويوم الاثنين ::::
اذا صحيت اغسل جسمي بصابونه البابايا وارطب جسمي وامسح وجهي باسكنول واحط على وجهي كريم فيراندلفي واروح لدوام بعدها اذا جيت العصر احط الخلطه الروسيه وهي ربع كيلو من لسان البحر مطحون ومنقعته في مويه ورد وحاطته في علبه واذا جيت احطها على جسمي اخذ من العلبه الي يكفي جسمي واحط زيت الجلسرين والوز المر وكركم وادهنها بجسمي واخليهاا ساعتين او اكثر بعدها اسوي تمارين رياضيه واحط على شعري خلطه وهي زبده وحمام زيت فاشكول بالصبار واحطها على شعري والبس القبعه البلاستيك واخلص اشغالي بعدها اروح اسوي تمارين واذا خلصت اتروش وفرك جسمي بصابونه البابايا وبعدها احط صنفره لؤلؤ البابايا اليابانيه وادلك جسمي 5 دقايق واغسله وشعري اغسله واحط شامبوو وبعدها احط غسول الهندي لشعر واطلع بعدها ارطب جسمي بكريم 21 وبودره الاطفال وبودره ام 3 وردات من اجمل واحط مطعر للجسم بالورد وبث انشف شعري وامشطه
ويوم الثلاثاء مثل يوم::: السبت:::::
ويوم :::الاربعاء:::
اسوي تنظيف البشره بالبخار واسوي مساج لرجليني وصنفره ليديني واذا خلصت احط صنفره دلع
وجهي اسويله بخار بالنعناع او البقدونس وبعدها احط من الاقنعه والصنفرات ورجليني اجيب طاسه واحط مويه مايله للحراره واحط ملح وملح اليمون وانقعها وبعدها افكرها بالحجر الاسود يزيل الخلايا الميته واحط بعدها صنفره كاب وصابون المغربي وافركها وبعدها اغسلها وادهنها بالفازلين والبس شراب

ويوم :::الخميس:::
احط على وجهي قناع وعلى الركب والاكواع سمن نباتي ومفاصل اليدين واذا كنت رايقه سويت تمارين

ويوم ::الجمعه:: مثل يوم الاثنين بس احط على شعري خلطه سمن شوكه وملعقه وهكذا يمشي جدولي
واشرب يوميا 3 مرات شراب لتحيف وهوإكليل الجبل بكميات متساوية +زنجبيل +حبة ليمون أو نصف حبة تقريباً فنجان
من كل نوع والشمر
تغلينهم 5 دقايق بماء حار وتشربينهم يوميا
والتمارين اسويها 3 مرات بالاسبوع والمنطقه الحساسه اغسلها باغسول ديتول وانشفها واحط يوميا بودره اطفال ويوميا اغسلها بغسول النعناع

بسم الله ماشاء الله



عنايتي بداتها بحمام مغربي وحنيت شعري


واليوم


صحيت صليت وتحممت بصابون كركم على السريع وجهي غسلته بغسول بوندس الاحمر


رطبت كل جسمي بكريم 21 الكريم مو اللوشن


ايدي بخلطة الجليسوليد وفيتامين سي

الركب بزبدة شيا

المنطقه مسحتها باسكينول وحطيت كريم 21

الوجه كبسولات فيتامين اي


استفتحت يومي ب7 حبات تمر



الوزن

فطوري كان ساندويشة بيضه مع جبنه شرايح وخس وعصير برتقال

شربت شاي اخضر


مشيت على السير


بعد صلاة الظهر


سويت قناع سدر ونشا

قشرت ايدي بخلطة ايدي دلع


حطيت لايدي خلطة الشمعه شمعه فواحه وحده + شوووي زيت زيتون بس تصير دافيه انقع ايدي فيها والبس قلافز

غسلت الماسك وحطيت سيروم ريكسول


اقدامي حاطه فيها خلطه صابونة دوف


المنطقه زدت رطبتها وحطيت بورة اطفال


الشفايف قشرتت بسكر + رطبتها بليبوبيز بعده فيكس


الحين اتغدى واشرب برتقال فريش مع سلطه


واحط زيت سمسم بالفلفل البارد


واحط لجسمي خلطة شالسالفه

ساعتين واسووي سنفرة ملح واتحمم بخلطتي الصابونيه كركم ببايا طاووس

اطلع ارطب جسمي من تحت الصدر للركب

الباقي اخليه لاني طالعه السوق


الرجع احط التالي


كريماتي + مافالا للرموش + كريم دوف للمنطقه


واشرب حليب بالهيل والزنجبيل وعلبة زبادي ونووووووووم

مساء الخير
الله يعطيك العافيه @سعودية @ على الحملة وإن شاء الله راح تكون اكثر من رائعة
سويت جدولي ورتبت كل شي بمكانه وبنبدأ على بركة الله
هذا برنامجي
الشعر : يوم الاحد والاربعاء (خلطة سمن شوكة وملعقة )
الوجه : العيون : زيت جنين القمح قبل النوم , كريم اولاي بالنهار
الماسكات : 3 مرات السبت , الاثنين , الخميس على حسب كل مره اختار لي ماسك + صابونه بيزلين
تنظيف البشرة : الثلاثاء
الجسم : خلطة شموع الرياض + والترطيب بسمن شوكه وملعقة او فازلين او زيت زيتون
الايدين والرجلين : كل يوم : جليسوليد +عصير 4 ليمونات + فنجال زيت لوز + قرصين فيتامين سي
البدكير والمنيكير : الثلاثاء
المنطقة وبين الفخوذ : كل يوم خلطة بنت جدعه
الركب : كل يوم خلطة توليب
صنفرات للجسم : يوم الجمعة
استخدام السدر عند كل شاور + صابونة الغار
فاكهة كل اسبوع نوعين + سلطه يوميا + كاسين عصير +شرب ماء كثير
ورواح استخدم فيتامينات منها : فروز + زيت كبد الحوت + فيتامين ب
صورة جماعية لكل اللي راح استخدمها

الشعر


زيت جنين القمح وكريم اولاي

الجسم خلطة شموع الرياض وزيوت الترطيب والسدر

كريمات الايدين والركب والمنطقة

الفيتامينات

وراجعه ان شاء الله الليلة اكتب اللي سويته بجدول اليوم

ماشاء الله .. حماس .. ان شاء الله دوم ..

جدولي بسيط ..

الصبح : انظف وجهي بالايسكنيول لا ن بشرتي دهنيه ..
احط كريم النهار من كلارنس

بعد الدوام : انظف الميكب من كريم كلارنس ( الحليب ) وارش ماي الورد .

المساء : كريم الليل من كلارنس .

ولتبيض الاماكن الغامقة : استخدم كريم شريته من وحده من الاخوات وازيد عليه كريم تريتوسبوت .

عند الاستحمام : حمام مغربي .

للرجل : سنفره من سيلكي كول بالتوت + كريم سوليكير + فازلين .

وكل يوم بيكون لي ماسك جديد

ماسك اليوم :
organic clay facial mask from natural beauty


فريق العمل :