كيفكم ان شاء الله تكونون بخير
حبيت انقل لكم طبقي اللذيذ وهوه السمكة الهامور تقريبا وزنها ثلاثة كيلو وتكفي لعشرة اشخاص تقريبا
المهم احترت لان ابو العيال جابها الجمعة وانا عادتا ما احب اطبخ يوم الجمعة المهم قال نبي طبق سمك من يدينك الحلوة قالها ولا ما قالها :icon28: تعرفون احنا يالجنس الناعم اذا سمعناها ؟؟؟ وطيران على المطبخ واقلبها يمين وشمال لين طنت الفكرة اني احشيها وادخلها الفرن طلعت ما شاء الله لذيذة والان اليكم اخواتي الطريقة وهذي هديتي لكم من بعد غياب
المقادير
نجيب بطاطس شرايح مع جزر مع كوسة مع فلفل رومي ملون مع ليمون شرايح مع بصل وتجهز بينما نحظر خلطة الحشوة الداخلية للسمكة
ليمون معصور مع كزبرة مفرومة مع ثوم مع زيت زيتون مع بهار الكاري وكمون وملح وتترك لحين الحشوة
الطريقة
السمكة تجيك منظفة من البنقلة
نفتح السمكة من الوسط نضع الخلطة الداخلية اللي هية ال ليمون معصور مع كزبرة مفرومة مع ثوم مع زيت زيتون مع بهار الكاري وكمون وملح
انا ما عندي صينية قد السمكة جبت تبسي بيضاوي ولبستة قصدير ثم وضعت البطاطس شرايح مع جزر مع كوسة مع فلفل رومي ملون مع ليمون شرايح
وبعدها وضعت السمكة المحشية فوق الخضروات ودهنتها بزيت الزيتون وباقي اليمون والكزبرة ودخلتا الفرن
من فوق ومن تحت وتركتها لين نضجت اربعين دقيقة او ساعة الا ربع
وبعد كذا الطعم والريحة خيال واضفت معاها رز ابيض والدقوس
وبعدها قررنا انو يجيب السمكة يوم الخميس:angry2: مويوم الجمعة عشان ابدع لابو العيال الله يحفظة
ولكم مني خالص المودة والشكر
شكلها مشهي