كرهت زوجي وكرهني الله يرزقها من حيث لاتحتسب اللي تساعدني

الأسرة والمجتمع

السلام عليكم

بدخل في الموضوع على طول

انا حااااااااااااااسه انه زوجي كارهني او مل مني ما ادري
هذا الشعور معذبني باليوم الف مررررررررررررره مدري ليه وش السبب
وانا اذا شفته كذا اتعذب وانفررررر

مدري والله شقول بالضبط
حياتي ملخبطه وكلامي ملخبط اكثر
هو كان حنووووون وطيب معي الى اقصى درجه وكانت تصير بينا مشاكل وعادي تنحل ونرجع احلى من قبل
الحين انا متزوجه من 6 سنين تقريبا وعندي بنتين الكبيره 5 سنوات والصغيره 4 شهور
هو مضغوط ماديا جدا جدا لاتقولوا لي هذا السبب لاني من تزوجته وهو مضغوط يعني مو شي جديد عليه والله ماراح يلقى وحده صابره عليه مثلي متعوده عند اهلي على العز والدلال وعنده مذله وشحططه كل يوم ناقلين من شقه الى شقه بسبب الاجار الى درجة سكنت عند اهلي السنه الماضيه 6 شهور تقريبا مراعاة له ولظروفه بس ما اتحملت بسبب خناق بنتي مع اخواني الصغار والا اهلي مو مقصرين في شي ابوي يحولي مبلغ في حسابي كل شهر تقريبا واصرف منه اذا احتجت مع انه كل حياتي حاجه يسدد لي الجوال احيانا اذا شافه مقطوع فتره طويله ولا تسدد وامور كثيره
انا حارمه نفسي من كل شي عشانه ومع هذا كل يقولي ماديه
اممم الحين جاني حافز توه الشهر هذا حتى مابعد اخذه من البنك مدري اذا هذا السبب بعد بس هو متغير من قبل
انا قبل ماينزلي حافز كنت اقوله خل يجيني حافز وبشتري كذا وبسوي كذا وبعوض نفسي عن الحرمان هو يسكت او يقولي من جد هذا طموحك اقوله ايه
لما نزلي فاتحني بالموضوع وقالي نسدد به ديون وقروض قلت له يعني مو حرام اول راتب ينزل لي ما اتهنى فيه وانا مخططه على اشياء كثيره ... سكت وقال خلاص هذي فلوسك وانا مو من حقي اجبرك ... والله يابنات ملابسي من اول ايام زواجي اللي مشقق وتالف من الغسيل ماعندي شي عدل بناتي بالحسره اشتري لهم شقول بس
هو اهم شي عنده انه احنا ناكل وبس
واذا كلمته يقولي وانا في شنو مقصر ؟؟؟
هذا السؤال اللي يجنني كل هالتقصير ويسال انا ما الومه والله انا مقدره ومقدره بس هو المفروض يقدرني ومنزلتي ترتفع عنده عالاقل
والحين ناويه اشتري بفلوس حافز جهاز مشي من زمااااااااااااان وانا ودي فيه من اول ماولدت ببنتي الكبيره يعني شوفوا كم سنه بس ما اقدر بسبب الماده ... والباقي بجهز لزواج اخوه
وهو مو وده كل ماقلت له يقولي ليش وليش
وخواته انواع الكشخه واللبس حاجزين في افخم المشاغل واغلى الحنايات واغلى الفساتين وانا يحبطني كل شوي يقولي هو مو اخوك عشان تسوي كل هذا وان شاء الله مانقدر نحضر
كل يقولي ماراح ننزل لاهلي واهله احنا في منطقه بعيده عنهم الا بعد شهر او شهرين او ثلاثه ماله داعي تحضري زواجات ذبحني بسالفة الزواجات كل مفكر انه مخسرته بالزواجات وانا والله البس من اللي عندي او اشتري لي رخيص فستان ناعم ب 150و اخر زواج حضرته في شعبان
كل ما اتخانق معه على اي مشكله يرجع لي لسالفة الفساتين

واسباب تغيره كثيره شقتي فاضيه مافيها اكل تعبنا بس ناكل بقصم وحليب انا ما انكر يجيب اللي يقدر عليه بس برضوا اشياء كثيره ناقصه بس هو في نظره موفر كل شي
والله انا وبنتي صايرين صفر مره من قل الاكل بس ما احسسه بشي ابد
كل ما اكلمه في شي يعصب
بنتي الكبيره على طوووووووووووول يهاوشها ويصرخ عليها باعلى صوته لاتفه الاسباب احسه يحط حرته فيها وهي تصيح وتقول انا زعلانه ماراح اسامحك خلاص بس مسكينه ترجع تكلمه عادي وهو يرجع يعصب عليها في كل وقت وكل مكان قبل كم يوم مارضت له يتابع الاخبار لانها جالسه اتابع كرتون رمى جهاز التلفزيون على فمها وورمت شفايفها وقبل شوي بنام وتلعب بجوالي ومقصره على الصوت وداخله تحت البطانيه يعني مو زاعجته في شي اخذه منها بقوه وصرخ عليها ورماها بقوه على السرير واذا تكلمت يقولي لاتردي انتي وقمت طلعت من الغرفه عصبت خلاص كل يوم كذا كل يوم
يرفع ضغطي بس مليت منه
وناويه انام مع بنتي في غرفتها وبكبر السالفه وبشتكيه لاهلي تعبت وانا اكتمممممممم وصابره تعبت
مايحس فيني ابد
انا تعبانه عندي انفلونزا وهو ولا هامه عادة اذا شافني كذا يقولي ماتشوفي شي اوديك المستشفى لا تشتغلي اليوم وهالمره ولا شي يشوفني تعبانه مووووووت واقوم واشتغل وعادي عنده بس الحين صرت احسن شوي اخذت حبة فيفادول
والله مدري شقول زهقت
العلاقه الخاصه ماتصير الا بالشهر مره وبالاسبوعين مره زهقت اكشخ والبس ولا في فايده ماكان كذا والله ماكان كذا
زهقت فقدت احساسي بانوثتي بسببه
اذا شفت وحده متزوجه انقهر واغيرررر ما كاني متزوجه ولا عندي زوج
جيبي مافيه ولا ريال
آه شقول بس
كل وحده زوجها يدلعها ويهتم فيها ويقول لها كلام حلو وانا لا
توني اقوله في ليلة زواج اخوك وين بتنام قال في بيتنا قلت له تعال نام معي في بيتنا حرام بصير كاشخه وانت ماتشوفني قال لا صعبه انام في بيتكم مع انه لنا جناح خاص قبل كنا ساكنين فيه غرفه وحمام ولها مدخل مستغل عن بيتنا قلت له ياما نمت ونمت شهور قال لا
قلت له طيب ناخذ فندق ونغير جو قال لا
زهقت انا ماهمني هذا كل بس اسلوبه معي جاف

والله كرهته وكرهت تصرفاته صابره عليه وهذا جزاتي محبوسه بالبيت على طول كرررف مع هالبنات وهو مايقدرني ولا يحاول يسعدني واذا طلعت نكد علي غطي عيونك والا بنرجع الين مايتعكر مزاجي وانا اللي اقول رجعني خلاص
البارح طلعت بشتري فستان من مجمع والله يمكن دخلت بس محلين وزهقت وقلت له بطلع طول وقته ساكت ولا كلمه حتى في السياره مع انه مو مجبور هو اللي قالي بطلعكم

شسوي معه ساعدوني
والله نفسيتي زفنت اشاهق من الصياح والقهر
تعبت تعبت
115
57K

يلزم عليك تسجيل الدخول أولًا لكتابة تعليق.

تسجيل دخول

amira2012
amira2012
ياحياتي الله يكون بعونك
عليكي بالاستغفار وان شاء الله ربي بيفرجها عليك
ام \غاده\
ام \غاده\
الله يفرجها عليك
بيشوا
بيشوا
الله يسخرةلك
ذكــــــرى
ذكــــــرى
لاتشدي على نفسك الحياه شوي شوي الله معاك الصبر جميل بس اهم شي لايتغير عليك انتي اتفاهمي معه اهم شي صحتك انتي وبناتكم طبيعي الحياه مصاريف وديون بس تروح ازمه وتعدي ادعي ربك وابدي حبه حبه معها اهم شي اكلكم والبس والمناسبات بعدين فتره تبعدي ومصيرك ترجعي احسن ويعوضك
أم ديمه098
أم ديمه098
حبيبتي أولا من ناحية جهاز السير إذا بالرياض إرسلي لي أنا عندي جهاز والله مو في حاجته وأدور أحد يبغاه

وبالنسبة لحالك ضروررري تهتمي بنفسك وتقدرين شخضيتك وتعطينها حقها وماعليك من أحد
أكشخي البسي وسعي صدرك
حافز لك انتي بالدرجة الاولى وبناتك الدرجه الثانية واهدي أهلك واهدي زوجك بس لاتعطينه فلوس ولايشمها إلا إذا كان يستاهل ويقدر !!!!!!!
يمكن عن نفسي هذا رأيي يمكن مو صح بس هذا الي أشوفه