ريما كندا

ريما كندا @ryma_knda

عضوة نشيطة

كيف أتعامل مع طفلي الأول قبل و عند ولادتي بالطفل الثاني .. أفيدوني بخبراتكم

الأمومة والطفل

السلام عليكم ورحمة الله وبركاته


كيف الحال ؟؟


في موضوع شاغل بالي ولا لقيت له موضوع بالنت ...


حولد إن شاء الله بطفلي الثاني وطفلي الأول على وشك إنه يغلق سنتين من عمره .. الله يحفظهم ويحفظ عيالكم ..


ومو عارفة كيف أمهد له الموضوع؟ .. تمنيت لو إنه أكبر بشوي وأقراله الكتب الي في جرير .. أو أفهمه بأسلوبي على الأقل ,,


لكن ولدي صغير مرة .. ومايفهم ولا يتكلم لسى .. يادوب كلمات بسيطة .. ولما أوريه بطني وأقعد أقوله نونو وبوس النونو يقعد يلعب ويضرب ببطني .. حاولت أفهمه أن البطن اسمه نونو عشان أحاول أوصله المعلومة بس مو راضي يقتنع ..
كل الكلام الي بالنت للأطفال الي يفهمون .. مو للي في سن ولدي ..

لما نزور أهلي أقعد أوريه العيال الصغار المواليد .. يفرح ويقعد يطالع فيهم ..
ودائما أوريه صوره وهو صغير وعمره بالأيام عشان يتأقلم على وجود طفل في المستقبل بإذن الله ..

ناوية إن شاء الله أهتم فيه بزيادة بعد الولادة .. وما أخليه يحس بفقدان مكانته أو قلة إهتمامنا فيه ..


بس مشكلتي للحين ينام جنبي عجزت أعلمه على سريره .. لاني كنت أرضعه طبيعي قبل الحمل وكان لاصق فيني حتى بالنوم .. لكن بعد مافطمته يتجنن لو صحي وحصل نفسه بسريره ..


أنا شايله هم ولدي مرة ..:06: وما أبغاه يتعقد بشوفة أخوه الصغير .. لأن هالموقف حصلي وجتني حالة نفسية بعد ولادة أختي الي أصغر بسنة وشهرين وأمي تعبت معايا لدرجة مو طبيعية .. وماراحت عني الحالة الا لما سرت ثالثة ابتدائي ..



أنتظر ردودكم وخبراتكم .. وجزاكم الله خير ...
14
10K

يلزم عليك تسجيل الدخول أولًا لكتابة تعليق.

تسجيل دخول

lamnoor
lamnoor
والله انا ماشوف ببنتي اي مبادرة غيرة او محبه للنونوات
والكل يقول راح تموت غيرة بس تولدي وتشوف اختها
وانا احس عاطي لاني اذا اخذت نونو بحضني عادي عندها
طبعا ولادتي خلال هالايام القادمة وهي عمرها سنتين و٥ شهور
بس بصراحة مبسوووووووووططة مررره ان بتجيها اخت
احس كاني حملت عشانها ابغى تكون معاها صديقه لان كل الي حولها اولاد وصارت تميل للعب الاولاد وماتعرف تتعامل مع البنات
الله يصلح اطفالنا ويحنن قلوبهم على بعض ويجعلهم ذخر لنا

دعواتك اولد باقرب وقت ترى من جد طفشت من التاسع خخخخخ
ريما كندا
ريما كندا
يا حياتي .. الله يسعدها يارب ويريح بالها زي ماريحت بالك ..
aaa1407
aaa1407
والله انا ماشوف ببنتي اي مبادرة غيرة او محبه للنونوات والكل يقول راح تموت غيرة بس تولدي وتشوف اختها وانا احس عاطي لاني اذا اخذت نونو بحضني عادي عندها طبعا ولادتي خلال هالايام القادمة وهي عمرها سنتين و٥ شهور بس بصراحة مبسوووووووووططة مررره ان بتجيها اخت احس كاني حملت عشانها ابغى تكون معاها صديقه لان كل الي حولها اولاد وصارت تميل للعب الاولاد وماتعرف تتعامل مع البنات الله يصلح اطفالنا ويحنن قلوبهم على بعض ويجعلهم ذخر لنا دعواتك اولد باقرب وقت ترى من جد طفشت من التاسع خخخخخ
والله انا ماشوف ببنتي اي مبادرة غيرة او محبه للنونوات والكل يقول راح تموت غيرة بس تولدي وتشوف...
انا ولدت من اسبوع
البيبي الثاني
اول يومين عادي بس بعدها بنتي جننتني عند المولود
تضربه
وتبي تقعد عليها
وتغار مره منه
وش الحل
مع اني ما اخانقها عشانه وادلعها

تعبت نفسيا والله منها هي برضو تعبت من الغيرة رحمتهااااااا ورحمت البيبي
بناتي كبروا
بناتي كبروا
يوه بنتي كانت غيورة من البداية كانت ساعات تضربني في بطني وانا نايمة ... كنت اقول عز الله ذبحتي اختج وامي كانت تقول لي انتبهي ترى بتذبح اختها وهي ببطنج ... وبعد ما ولدت لو شفتيها كيف تشوفها عيونها تلمع ههههههههههههههه فديتها وكانت تخليني اروح الحمام وتجي تشيلها ولما اطلع تخاف اهاوشها وترميها ... كانت تتعبني ... ومره داست على بطنها ونحن كلنا جنبها ما توقعنا كانت حركة سريعه ...

والحين تعالوا شوفوهم الصغيره صايرة هي المجرمة شكلها تنتقم لنفسها والكبيرة حنونه بالرغم من الاصابات اللي تجيها منها ...
jejeeid
jejeeid
انا نفس الحكايه بنتي بعد كم يوم تكمل سنتين و مفهماها انو النونو في بطني و تجي تبوسو و احيانا تضرب بطني

و الله اعلم ايش حتعمل لما يجي البيبي بس من ناحية ابوها لانو هي مره لاصقه في ابوها

انا جبت شغاله و خليتها تتعود عليها شويه عشان تفك مني عشان لما يجي البيبي الجديد لانو مره كانت لاصقه فيه

و بالنسبه للنوم ما عندي مشكله تنام جنبي لاني حنوم البيبي في سريرها
مشكله لو ساعتها غارت (اشمعني هو ينام في السرير ) و تجي تبغى تنام فيه هههههه