::تشيز كيك رائع وبمقادير مضبوطه..بالصور::

الحلويات الشرقية والغربية





السلام عليكم ورحمة الله وبركاته

الشهر مبارك علينا وعليكم..

جربت انواع تشيز كيك لكن سبحان الله ماتضبط ميه بالميه معاي لابد فيه شي مايدخل مزاجي

ياأما طعمه مو قد كذا او مايكون متماسك مره

لكن الحمدلله من بعد ماسويت هالطريقه صار يطلع مضبوط وطعمه رااائع والطبقه سميكه

زي الجاهز .. وصحي وخفيف أهم شي..

المقادير::

الطبقه الأولى:

بسكوت دايجستف مجروش وليس مطحون وافضل طريقه عشان مايتفتت معاك

او يصير يابس انك تحطين البسكويت بكيس نايلون شفاف حق اللحم

وبفرادة العجين الخشب تمشين فوق الكيس رايحه جايه الين يتفتت البسكوت

حطيه بالصينيه اللي تنفك واخلطي معاه

ملعقتين سكر بني

واصبع زبده مذوبه

ورصيه بقاع الصينيه وعلى الحواف بس مو كثير واتركيها بالثلاجه..

الطبقه الثانيه:

علبتين زبادي صغيره (العلبه اعتقد 180 جرام)

كاس وثلاثة ارباع الكاس حليب بودره (يعني كاسين الا ربع)

كاس سكر

فانيلا

4 حبات جبن كيري او مثلثات اللي متوفر

2 بيضه

اخلطيهم بالخلاط زييييييين الين تتجانس كل المقادير..

صبي المقادير كلها فوق البسكوت وحطي صينية التشيز كيك بصينيه فرن اكبر شوي

يعني كأنك بتسوين حمام مائي بس بدون مويه طبعا

سبب الصينيه الثانيه هو عشان ماتنحرق صينية التشيز كيك لأنها رقيقه مو سميكه

ماتتحمل الحراره العاليه..

حطيها بالفرن تقريبا نص ساعه من تحت لحد ماتتماسك وتشوفينها ماتهتز

اختبريها بعود الأسنان

اذا تماسكت طلعيها وبرديها في الثلاجه يفضل تقعد يوم كامل

واخر شي زينيها بالباي فيلينغ ..احلى نكهه البلوبيري ((التوت الأزرق))

والف هنا وعافيه..









403
156K

هذا الموضوع مغلق.

نونو السعنونه
تسلمى ياعيونى شكله يشهوى بشترى ديجستيف واسويه
إيــمــان
إيــمــان
تسلم ايديك
وتم الحفظ والاعتماد
*حنون*
*حنون*
تسلمي علي الطريقه شكلها مشهي هممممممممم
A>K>R
A>K>R
ماشاء الله عليك مشااعل
اكيد باذن الله اجررربه
تسلم يدك :26:
دلوعه زوجها!!
دلوعه زوجها!!
تسلمي علي الطريقه شكلها مشهي هممممممممم