والله يا بنات الاجانب مسويين لنا غزو كلهم عيالهم تارسين المدارس اي مدرسة رحت يقولون على الانتظار انا عندي بنت عمرها 4 سنوات الله يحفظها ابي ادخلها السنة مدرسة بريطانية صراحة المدارس الامريكية اخاف منهم بس ما في مكان تعالوا بنات في مدرسة اجنبية خاصة بالبنات في النعيجة سمعتوا عنها؟ يمكن اسمها cambridge for girls ؟؟؟؟ والله هذه فكرة حلو يعني خاصة ومش اختلاط ؟

up

أنا بالنسبة لي بنتي الكبيرة في أكاديمية الارقم والحين سجلت اختها حق السنة الجاية بعد اهناك لان المدرسة صراحة ممتازة كل المواد بالانجليزي بالاضافة للعربي والقرآن ووقت الصلاة ياخذون البنات ويودونهم المصلى حق الصلاة وترى المدرسة دينية يعني الوحدة تتطمن لما تحط بناتها اهناك وبعد هي خاصة للبنات...وأي استفسار انا حاضرة

هلا اختي هياوي اش حالج ابي اسالج ليش تبين تغيري مدرسة بنتج لاني والله درت على المدارس كلها ما في مكان بس ما ادري هالحين انتظر الردود بس بالنسبة للبنات انا وايد سمعت عن الكمبردج للبنات بس ما ادري لحين محتارة انت وين ساكنة بالضبط؟ اذا قريب للمطار فروحي شوفي كامبرج يمكن تكون افضل لانها خاصة للبنات والله يوفقج.

مرحبا اختي
انا ولدي مدخلته مدرسة الخليج الانجليزية وتقع في الغرافة والحين مداخلة ولدي الثاني بعد ومافكر في مدرسة غيرها اولا لقرب المدرسة والثاني المنهج وطريقة التدريس والمدرسات ونظام المدرسة واجازاتهم يعني كل شي عاجبني فيها
مدرسة المها الانجليزية بعد يمدحونها
مدرسة الجزيرة الانجليزية بعد يمدحونها.
اما اذا حبيتي مدرسة عربية اسلامية .. عندك الاندلس كثير من هلي مدخلين عيالهم فيها ومرتاحين.